中秋節想賣多啲，唔一定要減價。以我們多年幫澳門團購店、網店做節日網絡宣傳嘅經驗，有四個位比折扣更值得做：掌握預熱期同活動尾聲、產品夠多樣化、一條連結集中開團、付款方便加會員專屬價。呢四招每年中秋都用得著，以下逐招拆解。
中秋節係下半年第一個大檔期，亦係團購店、零售網店必爭之地。但年年都見到同一個現象：大家鬥減價，鬥到冇利潤。其實減價以外仲有好多位可以做。
1. 掌握預熱期同活動尾聲，延長購買需求
好多公司同客人因為要送禮，早喺一個月前已經開始搵貨預購，避免臨急買唔到。所以提早推出「中秋預購專區」，除咗有機會食到一批大單，仲可以搶先測試客人對邊款產品、邊種優惠最有反應——正式檔期的主打貨，就用預購數據話你知。
另一個大部分老闆都忽略的位：活動尾聲其實係「消費者滿意度最高」的時候。客人啱啱收到貨、心情最好，呢個時候用 SMS 或訊息發一封感謝信，順便預告下一輪會開的團，回購率會高好多。唔好等到下次開團先諗起佢哋。
2. 中秋團購選品要夠多樣化
根據我們過往觀察，中秋前後好賣的開團商品，早已唔限於傳統月餅同碌柚。零食禮盒、異國口味月餅、聯名款禮盒，近年都係吸引客人落單的原因。選品時唔好只跟舊路，睇下今年市場興乜，敢啲試新品類。
3. 一條連結展示所有開團商品
產品選擇一多，如果仲係靠 WeChat、Facebook 逐樣產品出一個 post 咁開團，就唔夠用了——一次只發一件貨，客人唔啱心水，就白白流失一個成交機會。
更好的做法係用一個網店頁面把所有開團商品集中展示，喺 WeChat 或群組只需要發一條連結，客人點入去就睇到全部貨品。選擇多咗，總有一款啱佢，成交自然容易。呢個做法亦大大減少你逐個客覆「仲有咩貨」的時間。
4. 付款要方便，會員專屬價製造「差別待遇」
客人搵到想跟的團之後，最緊要係唔好俾佢有時間縮沙——即係要令佢俾錢俾得快。想減低落單阻力，可以照住以下兩步做：
- 接入本地電子支付：支援 BOC Pay、Mpay 呢類澳門人常用的支付方式，客人幾下手指就找到數，成交率會明顯好過「請 PM 我落單」。
- 設定會員專屬價：同一件貨，會員平少少，非會員照原價。呢種少少的差別待遇，一方面推高購買意欲，一方面吸引客人登記做會員，為你日後的再行銷儲定名單。
小結
節日檔期人人都做優惠，但贏的往往係流程做得好嗰個：預熱期早入場、產品夠揀、一條連結落單、付款零阻力。今年中秋，除咗諗折扣，不妨照住呢四個位逐個檢查一次。
常見問題
中秋節團購幾時開始預熱最好？ 建議最少提早一個月開「中秋預購專區」。因為公司禮盒同送禮需求好多喺節前一個月已經開始搵貨，早入場除咗接到呢批大單，仲可以用預購數據測試邊款貨最受歡迎，正式檔期先主打邊款就心中有數。
中秋節除咗減價仲有咩促銷方法？ 四個方向：提早開預購專區搶送禮訂單、選品加入零食禮盒同聯名款等新品類、用一個網店頁面集中展示所有開團商品、設會員專屬價吸引客人登記做會員。呢啲做法唔使犧牲利潤，仲可以為之後嘅再行銷儲名單。
團購收款用咩方式成交率最高？ 支援 BOC Pay、Mpay 呢類本地常用電子支付，客人落單時即場找數，成交率一般明顯高過「PM 我落單」再人手確認嘅做法。付款步驟愈少，客人縮沙嘅機會就愈細。
